رجل أطول من الثانية؟
فرق طول الساقين يعني إن رجل وحدة أقصر من الثانية بشوي. بعض الناس عندهم فرق بسيط وما يحسون فيه، وبعضهم يلاحظون إن مشيهم مايل، أو إن جهة وحدة من الجسم تتعب أكثر.
علامات ممكن تلاحظها
- البنطلون يطلع أطول من جهة.
- كتف أو جهة من الحوض تبان أعلى من الثانية.
- تعب في الظهر أو الركبة أو الورك من جهة وحدة.
- تآكل الحذاء من جهة أكثر من الثانية.
كيف نعوّض الفرق في خطوة عناية؟
نركّب رفعة على حذائك نفسه، تُلصق تحت نعل الحذاء من الخارج، حتى تتساوى الرجلين في المشي والوقوف.
- تعوّض فرق تقريباً من 1 إلى 10 سم.
- تنجز خلال 5 أيام كحد أقصى.
- ضمان تعديل 7 أيام من الاستلام.
مهم قبل الزيارة: مقدار الفرق
المركز ما يقيس مقدار فرق الطول، ونعتمد على المعلومة اللي عندك أو على تقرير طبي. إذا ما عندك تقرير، ننصحك تراجع طبيب عظام يحدد لك الفرق بدقة، وبعدها تجينا بالتقرير.
وإذا تحتاج دعامة قدم كمان؟
بعض أصحاب فرق الطول يعانون كمان من قدم مسطحة أو ضغط زائد على الكعب. في الزيارة نسوي لك فحص قدم مجاني على جهاز قياس الضغط، وإذا احتجت دعامة مفصلة نشكّلها لك وتستلمها في نفس الزيارة.
كيف تجهز للزيارة؟
- جيب التقرير الطبي أو المعلومة عن مقدار الفرق.
- جيب الحذاء اللي تبي نركّب عليه الرفعة.
- تواصل معنا قبل الزيارة إذا عندك أي سؤال.
هذا المقال للتوعية، ولا يغني عن استشارة الطبيب.
تواصل مع خطوة عناية، حي الملقا، الرياض. يومياً من 3 العصر إلى 11 الليل. واتساب: 966551083067